Ukraine v England: Roy Hodgson defends team's performance Hodgson was delighted with the performance of England's defence Manager Roy Hodgson was satisfied with England's result
01 / 03

Ukraine v England: Roy Hodgson defends team's performance

Read more
02 / 03

Hodgson was delighted with the performance of England's defence

Read more
03 / 03

Manager Roy Hodgson was satisfied with England's result

Read more
Янгиликлар

Янгиликлар (99)

2019 йилнинг 21-22 июнь кунлари  Россия Федерациясининг Калининград вилояти Светлогорск  шаҳрида ўтказиладиган “Болтиқбўйи  ҳамкорлиги шароитларида адвокатлик фаолияти” мавзусида конференция бўлиб ўтди. Унда Ўзбекистон Республикаси Адвокатлар палатаси раиси Эрназаров Алим Кадырович ва Тошкент шаҳар ҳудудий бошқармаси бошлиғи Дадашев Курбанали Гапурович Ўзбекистондан вакил сифатида иштирок этдилар.

Мазкур конференцияда Ҳамдўстлик мамлакатларидан иштирок этган вакиллар Болтиқбўйи  ҳамкорлиги шароитларида адвокатлик фаолиятини янада мустаҳкамлаш, адвокатура институтини такомиллаштириш, ислоҳ қилиш, қонунчиликни тартибга солиш соҳасида адвокатура ролини кучайтириш, аҳоли орасида ҳуқуқий тарғибот соҳасида, адвокатура соҳасидаги тажриба алмашиш, меъёрий-ҳуқуқий ҳужжатлар, услубий тавсиялар ва ахборот алмашуви, ҳамда ўзаро манфаатли бўлган бошқа йўналишлар бўйича ҳамкорликни йўлга қўйиш масалалари юзасидан келишиб, бу учун Ўзбекистон билан алоқаларнинг мустаҳкамлаш муҳимлигига эътибор қаратдилар.

 

Ўзбекистон Республикаси

Адвокатлар палатаси

 Матбуот хизмати

 

Ҳамдўстлик мамлакатлари билан ўзаро ҳамкорлик мустаҳкамланмоқда.

Маълумки, жорий йилнинг апрель ойида Тошкент шаҳрида "Tashkent Law Spring" халқаро юридик форуми бўлиб ўтди. Ушбу ўтказилган юридик форум доирасида “Юридик хизматлар” мавзусида семинар ўтказилган эди. Ўзбекистон Республикаси Адвокатлар палатаси ҳамда халқаро ташкилотлар, хорижий мамлакатлар адвокатура институтлари билан ўзаро ҳамкорликни йўлга қўйиш мақсадида Хитой, Туркия, Россия, Белоруссия, Озарбайжан Ҳамдўстлик мамлакатлари билан ўзаро ҳамкорлик Меморандумлари ва келишувлари имзоланган эди.

2019 йилнинг 7 июнь куни Россия Федерациясининг Москва шаҳрида Халқаро Адвокатлар (Ҳамкорлиги) Уюшмасининг навбатдаги мажлиси бўлиб ўтди. Йиғилишнинг кун тартибидаги турли масалалар билан бир қаторда иштирокчилар Уюшма билан Ўзбекистон Республикаси Адвокатлар палатаси ўртасида имзоланган Меморандум доирасида ҳамкорликнинг кейинги истиқболли йўналишлари тўғрисида ҳам тўхталиб ўтиб, ушбу масалалар ҳам атрофлича муҳокама қилинди.

Халқаро Адвокатлар (Ҳамкорлиги) Уюшмасининг вице-президенти Сергей Бородин Тошкент шаҳрида бўлиб ўтган юридик форумда кўриб чиқилган масалаларни Ўзбекистон иқтисодиётининг жадал ривожланишида хорижий инвестицияларни жалб қилишдаги аҳамияти ва унда юридик хизматларни роли ҳақида, шунингдек форумда Ўзбекистон Республикаси Адвокатлар палатаси томонидан ташкил этилган «Йилнинг энг яхши адвокати», «Йилнинг энг яхши адвокатлик тузилмаси», «Энг яхши корпоратив юридик хизмат» номинациялари бўйича номзодларни тақдирлаш тўғрисида ахборот берди.

Мазкур йиғилишда Ўзбекистон Республикаси Адвокатлар палатасидан вакил сифатида қатнашган Уюшманинг вице президенти Б.Саломов ва адвокат А.Мусахонийлар сўзга чиқиб, кейинги йилларда Ўзбекистон Республикаси суд-ҳуқуқ тизимида катта ўзгаришлар бўлаётганлиги бу соҳада амалга оширилаётган ислоҳотлар натижаси ўлароқ судлар мустақил, холис, адолатли қарор қабул қилаётганлиги ва жиноят ишлар бўйича чиқарилаётган оқлов ҳукмларнинг сони ортиб бораётганлиги, адвокат С. Каттабоев охирги бир йил ичида 10 та оқлов ҳукми чиқаришга эришганлиги учун “Йилнинг энг яхши адвокати” номинацияси бўйича ғолиб деб топилганлигини баён этдилар. Мазкур маълумотлар анжуман иштирокчиларида қизиқиш ўйғотиб, катта шов-шувга сабаб бўлди ва улар Ўзбекистонда кейинги икки-уч йил ичида суд–ҳуқуқ соҳасида олиб борилаётган ислоҳотлар ижобий самара бераётганлигига яна бир бор ишонч ҳосил қилганликларини билдирдилар.

Бундан ташқари, йиғилишда иштирок этган Россия, Белоруссия, Грузия, Арманистондан келган вакиллар (адвокатлар) Ўзбекистон Республикаси Адвокатлар палатаси раиси А.Эрназаров билан Халқаро Адвокатлар ( Ҳамкорлиги) Уюшмаси вице президенти С.Бородин ўртасида Тошкент шаҳрида бўлиб ўтган юридик форум доирасида олиб борилган музокаралари ва имзоланган ўзаро ҳамкорлик Меморандумига ижобий баҳо бериб, бу соҳада йўлга қўйилган ўзаро ҳамкорлик келажакда адвокатура тизимини янада интеграллашуви ва юридик хизматни такомиллаштиришга хизмат қилишини эътироф этиб ўтдилар.

Мазкур йиғилишда иштирок этган вакиллар ҳамкорликни янада мустаҳкамлаш, адвокатурани ривожлантириш, қонунчиликни тартибга солиш соҳасида адвокатура ролини кучайтириш, аҳоли орасида ҳуқуқий тарғибот соҳасида, адвокатура соҳасидаги тажриба алмашиш, меъёрий-ҳуқуқий ҳужжатлар, услубий тавсиялар ва ахборот алмашуви, ҳамда ўзаро манфаатли бўлган бошқа йўналишлар бўйича ҳамкорликни йўлга қўйиш масалалари юзасидан келишиб олдилар.

 

Ўзбекистон Республикаси

Адвокатлар палатаси

 Матбуот хизмати

Ўзбекистон Республикаси Адвокатлар палатаси ташаббусига кўра Ўзбекистон Республикаси Олий судида Олий суд раиси Козимджан Камилов ва Адвокатлар палатаси раиси Алим Эрназаров ўртасида учрашув бўлиб ўтди. Юқори ишчанлик руҳида, дўстона ва самимий кайфиятда ўтган ушбу учрашув давомида мамлакатимизда адвокатлар учун яратилаётган шарт-шароитлар, суд ишларида адвокатларнинг ўрнини мустаҳкамлаш ҳамда Олий суд ва Адвокатлар палатаси ўртасида келгусидаги ҳамкорлик масалалари атрофлича муҳокама қилинди.

Жумладан, томонлар мамлакатимиздаги суд биноларида Адвокатлар хоналари ташкил этилиши ва унда адвокатларнинг ишлашлари учун шарт-шароитлар яратилиши борасида Адвокатлар палатаси ўтказган ўрганиш натижаларига кўра аниқланган камчиликларни кўриб чиқдилар. Олий суд раиси Козимджан Камилов айрим суд биноларида ростдан ҳам жой билан боғлиқ муаммолар мавжудлигини қайд этар экан, бу масалани ўз назоратига олганлигини таъкидлади. Шунингдек, янги қурилиши режалаштирилаётган суд биноларида Адвокатлар хоналари учун алоҳида жой ажратилаётганини маълум қилар экан, Алим Эрназаровни янги лойиҳалар чизмаси билан таништирди. Мавжуд Адвокатлар хоналарида етарли шарт-шароит яратилиши бўйича эса муаммоларни биргаликда аниқлаб, тез кунларда бартараф этиш чораларини кўришга келишиб олинди. Энг муҳими, Адвокатлар палатаси бу масала юзасидан Олий суд томонидан бириктириб бериладиган масъул ходим билан доимий тартибда ишлаши мумкин бўлади.

Суҳбат давомида суд мажлисларида адвокатларнинг иштироки билан боғлиқ муаммоларга биргаликда ечим топиш масаласи ҳам кўриб чиқилди. Ўзаро келишувга кўра, бундан кейин Адвокатлар палатаси ўзининг ҳудудий бошқармалари орқали судлар томонидан адвокатларнинг ҳуқуқлари бузилиши ҳолатларини мониторинг қилиб боради ва бу борадаги маълумотларни жадвал кўринишида жамлаб, Олий суд раисига тақдим этади. Ўз навбатида, Олий суд томонидан бу маълумотлар муаммоларни имкон даражасида ҳудудларнинг ўзида, Адвокатлар палатасининг ҳудудий бошқармаси билан биргаликда ҳал этиш учун тегишли вилоят судларига юборилади. Ҳудуднинг ўзида ечим топиш имкони бўлмаган муаммолар эса, Олий суднинг видеоконференцалоқа тизими имкониятидан фойдаланилган ҳолда, Олий суд раиси ва Адвокатлар палатаси раиси иштирокида кўриб чиқилиб, биргаликда қарор қабул қилинади.

Шунингдек, учрашувда Олий суд ва Адвокатлар палатаси ўртасидаги ишчан алоқаларни янада мустаҳкамлаш, ўзаро ҳамкорликни талаб этувчи ҳар қандай масалани биргаликда тез ва самарали ҳал этиш учун шарт-шароит яратиш борасида ҳам келишиб олинди. Зеро, муҳокамалар пайтида қайд этилганидек, ҳар икки томон учун ҳам мамлакатимизда адолатли суд-ҳуқуқ тизимини шакллантириш ягона мақсад ҳисобланади. Жумладан, судлар томонидан адвокатларнинг ишлашлари учун қулай шароит яратилиши ҳимоянинг юқори даражада бўлишига имкон яратса, малакали ҳимоянинг таъминланиши, табиийки, судьялар ишини енгиллаштириб, адолатли қарорлар қабул қилинишига хизмат қилади.

Шу маънода, мамлакатимиз суд тизими ва адвокатура соҳаси раҳбарлари ўртасида илк бор ўтказилган бундай самимий учрашувни ана шу ҳақиқатнинг амалда бўй кўрсата бошлаши учун ташланган катта қадам сифатида баҳолаш мумкин.

Ўзбекистон Республикаси

Адвокатлар палатаси

Матбуот хизмати

Самарқанд вилоят адлия бошқармаси ҳамда Адвокатлар палатаси Самарқанд вилоят ҳудудий бошқармаси ҳамкорлигида 2019 йил 28 май куни Самарқанд вилояти Пахтачи туманида “Ҳуқуқий ахборот куни” сайли ўтказилди.

Туманда фаолият кўрсатувчи барча давлат ва нодавлат ташкилотлар, шу жумладан давлат хизматлари маркази, банк, суғурта ва тадбиркорлик субъектлари иштирок этди.

Тадбирни туман ҳокими очиб бериб, кириш сўзи вилоят адлия бошқармаси бошлиғи С.Нуриевга берилди.

Ҳудудий бошқарма вакиллари – бошқарма бошлиғи в.в.б. Ш.Ҳамдамов, маслаҳатчи Р.Шодиев, шунингдек ушбу туманда фаолият олиб борувчи адвокатлар Н.Хидиров, Э.Қодиров ва З.Жумаевлар, адвокат ёрдамчилари Ғ.Асадов ва бошқалар фаол иштирок этиб, сайлга келган фуқароларга уларни қизиқтирган барча саволларига бепул ҳуқуқий маслаҳатларини беришди.

Тадбир доирасида ўтказилган турли мусобақа ва беллашувлар бўйича эълон қилинган номинациялар сайлни янада қизитди.

Сайл давомида фуқароларнинг ҳуқуқий маданиятини ошириш ва тадбиркорлик фаолияти билан боғлиқ масалалар бўйича тушунтириш беришдан ташқари, миллий рақс ва қўшиқлар ижро қилинганлиги, турли соҳага оид кўргазма ва савдо ярмаркалари ташкил этилганлигидан туман аҳолиси алоҳида миннатдор бўлиб, ушбу сайлда кўтаринки руҳда иштирок этди.

 

Адвокатлар палатаси

Матбуот хизмати

ЭЪЛОН!

Written by
Published in Янгиликлар
Пятница, 24 Май 2019 17:44

Ҳурматли адвокатлар!

ТДЮУ қошидаги Халқаро стандартлар асосида юридик кадрлар тайёрлаш марказида 2019 йил 11 июндан 5 июлга қадар  Америка ва Европада стажировка ўтказиш имконияти билан халқаро стандардлар асосида ўқув курси ўтказилади.

Юқори даражада ўтказиладиган ўқув курсларига "White and Case", "Foley Hoag" ва "Sidley Ausin" каби етакчи халқаро юридик фирма адвокат ва экспертлари жалб қилинади.

Ўқув курси инглиз тилида ўтказилади ва ҳар бир қатнашчи учун ўз ҳисобидан тўланадиган контракт суммаси 8.000.000 сўмни ташкил қилади.

Ушбу ўқув курсига қатнашиш учун Адвокатлар палатасидан 2-3 нафар инглиз тилини В2 даражасида биладиган номзодларни тавсия қилиш сўралган.

Шу боис, ушбу ўқув курсида ўқишни хоҳловчиларни +99890 943 93 99 рақамига телеграмм ижтимоий тармоғи орқали Адвокатлар палатасининг Адвокатларни касбий тайёрлаш департаменти бошлиғи Махаммадиев Аслиддин Ахтамовичга 2019 йил 28 май кунига қадар мурожаат қилишлари сўралади!

Ўзбекистонда илк маротаба  “Tashkent Law Spring”  халқаро юридик форуми бўлиб ўтди

Жорий йилнинг 25-27 апрель кунлари Тошкентда илк бор Tashkent Law Spring – халқаро миқёсдаги юридик форум ўтказилди, ушбу форум доирасида давлат идоралари, халқаро ташкилотлар, Ўзбекистоннинг ва дунёнинг етакчи юридик ва консалтинг фирмалари вакиллари, адвокатлар, юриспруденция ва халқаро алоқалар соҳасидаги таниқли олимлар, ОАВдан вакиллар, мутахассислар ва экспертлар ҳуқуқ соҳасидаги энг сўнгги тенденцияларни муҳокама қилиш, замонавий юридик фан ва амалиётнинг долзарб масалалари юзасидан фикр алмашдилар.

Мазкур форумнинг асосий мавзуси «Ҳуқуқ – жадал модернизация даврида», яъни замонавий ҳуқуқ тизимини ривожлантириш масаласи, юридик назария ва амалиётдаги муаммолар юзасидан муҳокамалар бўлиб ўтди.

Тадбирда юриспруденция соҳасининг мингдан зиёд вакиллари иштирок этиб, жумладан, 37 мамлакатнинг адлия вазирликларидан вакиллар, таниқли адвокатлар, бизнес вакиллари, назариётчи олимлар, 240 нафар делегатлар ташриф буюрди.

2019 йил «Фаол инвестициялар ва ижтимоий ривожланиш йили» деб эълон қилинганлиги, жаҳон юридик ҳамжамиятини Ўзбекистон қонунчилиги билан яқиндан таништириш, мамлакатдаги ислоҳотлар моҳиятини объектив тарзда етказиб бериш, давлат дастури доирасида ўтказиладиган мазкур форумнинг асосий мақсади деб белгилаб қўйилган.

Форум дастурида назарда тутилган «Сифатли давлат бошқаруви», «Қонун устуворлигини таъминлаш ва суд-ҳуқуқ тизимини ислоҳ қилиш», «Фаол инвестиция сиёсати»  йўналишлари бўйича 17та сессия ҳамда нотариат ва суд-экспертиза тизимига оид иккита давра суҳбати бўлиб ўтди.

Шунингдек, 2019 йил 26-апрель куни форум доирасида “Юридик хизматлар” мавзусида семинар ўтказилди. Ўзбекистон Республикаси Адвокатлар палатаси ҳамда халқаро ташкилотлар, хорижий мамлакатлар адвокатура институтлари билан ўзаро ҳамкорликни йўлга қўйиш мақсадида Хитой, Туркия, Россия, Белоруссия, Озарбайжан Ҳамдўстлик мамлакатлари билан ўзаро ҳамкорлик Меморандумлари ва келишувлари имзолади.

Мазкур Меморандумларда адвокатурани ривожлантириш, қонунчиликни тартибга солиш соҳасида адвокатура ролини кучайтириш, аҳоли орасида ҳуқуқий тарғибот соҳасида, адвокатура соҳасидаги тажриба алмашиш, меъёрий-ҳуқуқий ҳужжатлар, услубий тавсиялар ва ахборот алмашуви, ҳамда ўзаро манфаатли бўлган бошқа йўналишлар бўйича ҳамкорликни йўлга қўйиш бўйича келишиб олинди.

Форум доирасида «Йилнинг энг яхши адвокати», «Йилнинг энг яхши адвокатлик тузилмаси», «Энг яхши корпоратив юридик хизмат» номинациялари бўйича номзодларни тақдирлаш маросими ҳам бўлиб ўтди. Танлов ғолиблари Адвокатлар палатасининг дипломлари ҳамда қимматбаҳо эсдалик совғалари билан тақдирландилар.

Адвокатлар палатаси

Матбуот хизмати

Бугун, 25 - апрель куни Тошкентда илк бор Tashkent Law Spring – халқаро миқёсдаги юридик форум ўтказилди, ушбу форум доирасида давлат идоралари, халқаро ташкилотлар, Ўзбекистоннинг ва дунёнинг етакчи юридик ва консалтинг фирмалари вакиллари, адвокатлар, юриспруденция ва халқаро алоқалар соҳасидаги таниқли олимлар, ОАВдан вакиллар, мутахассислар ва экспертлар ҳуқуқ соҳасидаги энг сўнгги тенденцияларни муҳокама қилиш, замонавий юридик фан ва амалиётнинг долзарб масалалари юзасидан фикр алмашдилар.  

Ушбу, Халқаро Форумнинг очилиши куни барча Ҳамдўстлик Давлатларининг энг фаол адвокатлари ва экспертлари иштирок этиб, ўзларининг бугунги Форум ҳақидаги фикр ва мулоҳазаларини билдирдилар. Форум ташкилотчиларига эса ўз миннатдорчиликларини айтиб, бундай кейин ҳам Республикамизда фаолият юритаётган барча адвокатлар ва ҳуқуқшунослар билан ҳамкорликни мустаҳкамлаш борасида келишиб олдилар.

Икки кунга мўлжалланган «Tashkent Law Spring» халқаро юридик форуми ўз ишини эртага 26-апрель куни давом эттиради.

 

Адвокатлар палатаси

Матбуот хизмати

КЎРСАТМА ХАТ

Written by
Published in Янгиликлар
Понедельник, 22 Апрель 2019 12:15

 Республикамиздаги барча адвокатлик тузилмаларида фаолият юритаётган адвокатлар диққатига!

Ушбу,  PDF форматдаги  файлни очиш учун, Сиз  кўрсатилган ссылка ( ko'rsatma.pdf орқали кириб  маълумот билан танишиб чиқишингиз мумкин.

 

 

 

Ўзбекистон Республикаси Адвокатлар палатаси, Адлия вазирлиги ҳамда БМТ Тараққиёт дастури билан ҳамкорлигида 2019 йилнинг 12 апрель куни Адвокатлар палатасининг мажлислар залида “Бепул юридик ёрдам тўғрисида”ги Қонун лойиҳасининг муҳокамасига бағишланган давра суҳбати бўлиб ўтди.

   Мазкур давра суҳбати Адвокатлар палатаси томонидан Ўзбекистон Республикаси Президентининг 2019 йил 9 январдаги ПФ-5618-сонли фармони билан тасдиқланган “Жамиятда ҳуқуқий маданиятни юксалтириш концепциясини 2019 йилда самарали амалга ошириш бўйича “Йўл харитаси”нинг 42-бандидаги Ўзбекистон Республикасининг “Бепул юридик ёрдам тўғрисида”ги Қонун лойиҳаси ишлаб чиқилиши юзасидан ташкиллаштирилди. Бу эса, жамиятда ҳуқуқий онг ва ҳуқуқий маданиятни юксалтириб бориш, қонун устуворлигини таъминлаш ва қонунийликни мустаҳкамлашнинг энг муҳим шартларидан бири ҳисобланади.

  Тадбирда, шунингдек, Адлия вазирлигидан вакиллар, “USAID” Халқаро ташкилоти экспертлари, Адвокатлар палатаси марказий аппаратидан вакиллар, фаолият юритаётган адвокатлар, нодавлат нотижорат ташкилотлари вакиллари, ҳуқуқни муҳофаза қилувчи идора вакиллари, ногирон тадбиркор аёл Миллий Ассоциация ва ногирон аёл ва болалар маърифат ва маънавият Маркази вакиллари иштирок этдилар.

  Мамлакатимизда сўнгги йилларда миллий ҳуқуқ тизимини тубдан ислоҳ қилиш, жамиятда ҳуқуқий маданиятни шакллантириш ҳамда малакали юридик кадрларни тайёрлаш борасида сезиларли ишлар амалга оширилди.

  Қонунда юридик ёрдам ва ҳуқуқий хизматлар кўрсатиш соҳасини тартибга солувчи қонун ҳужжатларини янада такомиллаштириш назарда тутилади. Қонун билан Ўзбекистон Республикасининг Маъмурий жавобгарлик тўғрисидаги кодексига, Фуқаролик кодексига, Уй-жой кодексига ва Солиқ кодексига, шунингдек “Нотариат тўғрисида”ги ва “Адвокатура тўғрисида”ги Ўзбекистон Республикаси қонунларига ўзгартиш ва қўшимчалар киритилди.

  Тадбир давомида иштирокчилар томонидан бугунги кунда “Бепул юридик ёрдам тўғрисидаги” Қонун лойиҳасини ишлаб чиқиш ва қабул қилиш давр талаби бўлиб, мазкур қонун лойиҳасини ишлаб чиқишда хорижий мамлакатларнинг илғор тажрибаси ва миллий қонунчилигимизнинг ўзига хос жиҳатларини изчил ўрганиб чиқиш кераклигини шунингдек, қонун лойиҳасини миллий ва халқаро-ҳуқуқий экспертизадан ўтказиш ҳамда уни хорижий экспертлар иштирокида амалий семинар доирасида муҳокама қилиш жуда муҳим вазифалардан бири эканлиги таъкидлаб ўтилди.

  Тадбирда Адвокатлар палатаси раиси сўзга чиқиб, самарали юридик ёрдам билан таъминланган бўлиш ҳуқуқи инсон ҳуқуқлари ва уларнинг кафолатларини назарда тутувчи кўплаб халқаро ҳужжатларда ҳам мустаҳкамланганлиги, “Бепул юридик ёрдам тўғрисида”ги Қонун лойиҳасининг асосий мақсадларидан бири бу ижтимоий эҳтиёжманд шахсларнинг Ўзбекистон Республикаси Конституцияси ва халқаро шартномалар билан кафолатланган, ҳуқуқ ва қонуний манфаатларини амалга ошириш ҳамда ҳимоя қилиш учун зарур бўлган, мустаҳкам ва ишончли бепул юридик ёрдам кўрсатиш тизимини яратиш, барча шахсларга уларнинг мулкий аҳволидан қатъий назар юридик ёрдам олиш ва одил судловга тенг эришишни таъминлаш, ижтимоий ҳимояланганлик, шунингдек, давлат томонидан молиялаштириладиган юридик ёрдам кўрсатишни самарали тизими даражасини ошириш ҳисобланиши ҳақида тўхталиб ўтилди.

  Тадбирда шунингдек, Ўзбекистон Республикаси Адлия вазири ўринбосари А.Ташкулов, Адлия вазирлиги бўлим бошлиғи Э.Маҳкамов, Адвокатлар палатасининг етакчи маслаҳатчиси Н.Захидова, адвокат Ж.Турдалиев, Халқаро ташкилот “УВКПЧ” Ўрта Осиёдаги вакили Ришард Коменда, Халқаро ташкилот “USAID” директори Гари Роббинс ва бошқалар ўз маърузалари билан иштирок этдилар.

  Бепул юридик ёрдамга бўлган ҳуқуқ БМТнинг асосий халқаро ҳужжатлари, бир қатор Европа ва бошқа минтақавий халқаро ташкилотлар ҳужжатлари билан тартибга солинади.

  “Бепул юридик ёрдам тўғрисида”ги Қонун лойиҳасини ишлаб чиқиш ва қабул қилиш, яъни адлия органлари, адвокатлар, нодавлат нотижорат ташкилотлари, идоралар томонидан бундай ёрдам кўрсатишнинг миллий тизимини яратиш бугунги кунда юзага келаётган кўплаб муаммоларнинг ечими топилишида кўмакдош бўлади.

  Ушбу давра суҳбати қизғин баҳс ва мунозаларга бой бўлди. Тадбирда ўз фикр-мулоҳазалари билан иштирок этган адвокатлар ва бошқа қатнашчилар мавзу юзасидан ўз таклиф ва тавсияларини билдирдилар.

 

Адвокатлар палатаси

Матбуот хизмати

2019 йил 09 апрел куни Самарқанд шаҳридаги “Asia Samarkand” меҳмонхонасининг конференц залида Ўзбекистон Республикаси Адвокатлар палатасининг ташаббуси билан Халқаро ҳамкорлик бўйича Германия жамияти (GIZ)нинг ҳамкорлигида тузилган дастурга асосан Ўзбекистон Республикасининг “Маъмурий тартиб-таомиллар тўғрисида”ги Қонуни: Давлат бошқаруви соҳасида манфаатдор шахсларнинг ҳуқуқларини ҳимоя қилишнинг принципиал янги платформаси” мавзусида семинар-тренинг бўлиб ўтди.

Мазкур тадбирда Ўзбекистон Республикаси Адвокатлар палатаси вакили Б.Саломов, Адвокатлар палатаси Самарқанд вилоят ҳудудий бошқармаси бошлиғи в.б. Ш.Музаффаров, Эстония давлати мутахассиси Т.Христофорова, Латвия давлати мутахассиси К.Коре-Перконе, маҳаллий мутахассис И.Цай, Самарқанд ҳамда Жиззах вилоят ҳудудий бошқарма вакиллари ва адвокатлар иштирок этдилар.

Семинарни Латвия давлати мутахассиси К.Коре-Перконе кириш сўзи билан очиб бериб, адвокатура институтини янада такомиллаштириш ҳамда бугунги кунгача институтни ривожланиши йўлида амалга оширилаётган ислоҳотлар ҳақида қатнашчиларга ўз таклиф ва мулоҳазаларини билдириб, сўзни Ўзбекистон Республикаси Адвокатлар палатаси Самарқанд вилоят ҳудудий бошқармаси бошлиғи вазифасини бажарувчи Ш.Музаффаровга берди.

Ш.Музаффаров мутахассис ва тренинг иштирокчиларини таништириб, йиғилиш мавзусининг долзарблилига эътиборни қаратди.

Йиғилишда иштирок этган И.Цай мазкур Қонуннинг мазмун моҳияти билан тренинг иштирокчиларини батафсил таништириб ўтди.

Шунингдек, Т.Христофорова шу каби маъмурий муносабатлар соҳасида Эстония давлатининг тажрибаси, эришган ютуқлари ва юзага келган муаммоларнинг ечими тўғрисида маълумот берди.

Бундан ташқари, Б.Саломов жисмоний ва юридик шахслар билан маъмурий идора вакиллари ўртасидаги муносабатлар тўғрисида тўхталиб ўтиб, мазкур муносабатларда фуқароларнинг ҳуқуқ ва манфаатларини ҳимоя қилишда адвокатлардан катта билим ва тажриба талаб қилинишини алоҳида таъкидлади.

Шу билан бирга, Б.Саломов Адвокатлар палатасининг ташкил топиши тарихи, эришган ютуқлари, ҳозирги кунда палата олдида ўз ечимини кутаётган масалалар, шунингдек истиқболдаги улкан режа ва дастурлар тўғрисида маълумот берди.

Семинар давомида иштирокчилар ўзларининг фикр-мулоҳазаларини билдириб, Ўзбекистон Республикасининг мазкур Қонуни билан фуқароларнинг ҳуқуқ ва манфаатларини ҳимоя қилишнинг янги имкониятлари очилганлиги, шунингдек мазкур Қонун маъмурий идора вакилларининг фаолиятини тартибга солишда, улар томонидан қабул қилинаётган қарорларнинг ҳар томонлама асосли ва холис бўлишига замин яратиши алоҳида таъкидлаб ўтилди.

 

Ўзбекистон Республикаси

Адвокатлар палатаси

Матбуот хизмати

Варак 1 жами 8
JoomShaper